مغامرات المدرسه ومصائبها
اهلا يا اعضاء المنتدى ايش رايكم تفضحو نفسكم ايش تسو في المدرسه لما تكونو طفشانين ولماتكونو ما تبغو الدرس او لما تحبو تضيعون الحصه احنا مثل بما اننا بنات وكمان احنا صغار(2متوسط*) ما نسوي كثير شوفو مغامراتي مع صحباتي في المدرسه: هع هع هع
اولا : اذا كانا نبغى نضيع الحصه وحده تقوم توقف وتسوي نفسها مقروفه والابله تسال:ايش فيه البنت تقول والله في ريحه !
والبنات كلهم زي الهبل يصدقوا ويقولوا وراها والله في ريحه .. تروح وحده تقول ايش ده ريحه اكل
الابله (الهبله) تصدق تقوم تعصب تقول مين هذي الي بتاكل؟؟
تقوم بنت تطوع وتقول ابله انا افتش الطاولات .. وتطوووووووووول في التفتيش وبعدين ما تلاقي شي وكدة يكون نص الحصه خلصت
ثانيا: لما تنتهي الحصه والابله لسه ما خلصت شرح تقوم بنت وتقول يا ابله الجرس دق والبنات كلهم نفس الكلمه
تقوم الابله تعصصصب وتقول يعني تطردوني ؟؟!!!!!!!
وتقول والله مني مكمله الدرس وكده تكونوا ارتحتوا من هذا الجزء من الدرس
ثالثا: اذا بنت لقت الفصل طفشان ،، تقوم تقول يا ابله انا ابغى اروح الحمام .. والابله طبعا اذا كانت بايخة هتقول لا لا L
حيقوموا البنات كلهم يقولو يا ابله حراااااااااام (هما اصلا فاهمين القصة والرواية ويمثلوها في اليوم ألف مرة )
وكل ما تيجي الابله تتكلم تسووا نفسكم تتعاطفو مع هذي البنت وتتكلمو معاها وتسالفون..
والابله لو سالتك ايش في؟ نقوليلها ياحرام البنت تبغى تروح الحمام ومو قادرة تركز في الدرس (حالتها مستعصية يعني هع هع )
الابله صدقت وودت البنت .. البنت وهي في الطريق الى الحمام شافت المشرفه ودائما المشرفه تشوف دي البنت رايحه الحمام راحت قالت للبنت انت عنك مرض (احرررراااااااج) راحت البنت من يومها بطلت تروح الحمام
وكانت هذي أخر حلقات مسرحية الحمام ....
وان شاء الله نطلع مسرحيات عالريحة كدا الحلقة الجاية خخخخخخخخخخخ
رابعا:اما ايام الاختبارات فانو لما يكون عندنا فترتين وتيجي الابله تقول بسرعه على الفتره التانيه وانت لسه ما خلصت مراجعه (سوي زينا) نروح نسوي نفسنا مضايقين ونقول يا ابله مو ذنبنا انت الي حطيتو اختبارين وانا ما هطلع الا لما اخلص وانتوا اتحملو ذنكم انكم تحطو اختبارين مع بعض والابله حتسيبك تكملي مذاكره
خامسا : مره كان نفسنا نتسلى في المدرسه.. اصلا كان يوم ما في احد الا مره قليل (من فصلي بس جا 6بنات،و من الثانوي 9بنات بالكتير كلو على بعضو من كل المراحل كنا 30 طالبه)عشان كله كان يذاكر للاختبارات وغاب..
المهم احنا ايش سوينا ؟
انا كان معايا شيء يشبه الـ (سروال ههههههه)بس هو اصلا مو سروال بس يللا قلنا نمزح مع الابله (الابله طبعا من النوع الطيب والضحوك وكمان اصلا هي مره صغير سنها )فكنا عارفين انها ما حتعصب ..
المهم اسمعو الخطة الشيطانية حقتنا :::
اولا:صحبتي تمسكو من غير ما الابله تلاحظ تكون مشغوله تكلمنا لانو اصلا ما كان في درس .. وبعدين البنت تحطو تحتها وتمشي عليه وانا اجي اقول:افااا ايش دا اللي طاح منك؟؟؟؟؟؟
تروح البنت تقول لاااااااااا !!
فانا اجي اقولها سروالك طاااااااااح !!
والبنت تسوي نفسها مصدومه ومحرررررررررجه .. وانا اضحك وبعدين كل صحباتي وافقوا على الاتفاق ..
وزهمنا الابله قلنالها ليش ما تيجي تسالفين معانا؟ احنا طفشانين
قالت الابله طيب استنوني في الفصل وانا جايه استنيناها في الفصل
وفعلا جات في البداية جلسنا نحكِّي ونسولف
وبعدين جات اللحظة الحاسمة
صحبتي حطت داك الشيء اللي يشبه السروال تحتها وانا صرخت :اقول ايش دا الي طاح منك ؟؟؟؟؟؟
البنت سوت نفسها محرجه ومصدومه ومو قادره تطل على الابله واعطتها ظهرها وبعدين(و احنا نمثل مظبوووووووووط أحسن من ممثلين التلفزيون والله لو كان احد شافنا كان حيحسب انو جد مو خدعه (فيلم هندي هع هع))
الابله على نياتها،، قالت ايش دا اللي طاح؟
قلنا كلنا سرواااااااااااال يا أبلة
راحت الابله ضحكت وقال لا عن جد
فقلت عن جد بعدين راحت صحبتي
طالعت على الابله وقالت هههههههههههههههههههههههههههههههههههههههههههههههههه هههههههه نمزح معاكي نجحت عليك الخدعة .. هع هع صادوووووووووووه
راحت الأبله جلست تضحك وتقول انا كنت باخرج من الفصل عشان لا أحرج البنت ..
وجلسنا كلنا نضحك... والله مغامرات لا تنسى
سادسا: وكمان كل ابله سميناها اسم مثلا
-1- المشرفة الطلابية للمتوسط((سوبرمان))
-2-أبله الرياضيات((سعديه بنت مسعود))وكمان ((دبابيس))
-3-مديره المتوسط((غوريلا))
-4- مشرفه الثانوي((موكلي))
-5-ابله علوم ما تدرسنا ((أم كرشه))
احب كل واحد يدخل، ويكتب مغامراته في المدرسه وانا ان شاء الله اذا افتكرت مغامره جديده حكتبها لكم >> هما أصلاً ما يخلصوا .. انا وصحباتي بنسوي فيلم " مدرسة المشاغبين" الجزء الثالث ... هع
..... اكتبو بكل صراحه بدون احراج .. لا تخافوا ماحد سامعكم .. مافي مدرسين هنا ... موضوعي للطلاب والطالبات المصرقعين والمصرقعات فقططططط........
هنا نقول كل مغامراتنا في المدرسه والجامعة من غير ما نتهزء من الابلات
طبعا المدرسين مافي مانع يونسونا .. يحكونا شعورهم .... مساكين هئية التدريس من مدرسين ومدرسات(هههههههههههههههههههههههههههه)
.
.
.
.
انتظر أشوف مغامراتكم
رد: مشاغبات المدرسه ومغامراتها ((لا يفوتكم)) 
العرض العادي
