راسي يبيلك برج ايفل تطوله********لاصرت فوق البرج لقيت راسي


رعديد ظن اني بجيه بسهوله********واصابع اليد الخبيثه...سواسي


عقلك رسم لك في كلامي طفوله********واني ابشرب من رداك انتكاسي


يومك لقيت الطود رافض نزوله********صاحي لفعلك ماغلبه النعاسي


حرب الخنى والكذب عندك بطوله********ظنك عظيم وقوتك فوق باسي


لوهي جلاميدك تحدر عجوله********كلي رقا ثابت جبالي رواسي


لاتحسبني بنت عجله جفوله********ارعب أنا دنيا نوت بافتراسي


منهو يجاود طيب فيني ينوله********اعطيه قدره واحترامه اساسي


مترفعه عن ذا الحثاله جهوله********ماشاقني تمثيل تحت الكراسي


متنمره صايل بي الجوع صوله********احذر نفوري انصحك باحتراسي


كبري عداني مايظنك ميوله********مثلك صغير ما يثيره حماسي


كانه يجي بعد الطفوله كهوله********شرواك يمكن عارف وش اساسي


يمكن بقالي باخر الحرب جوله********احفظ كلامي كانك اليوم ناسي


شوف الأنوثه لاكساها رجوله ********مليون مثلك مايجيبون راسي


قصيده رائعه تعبر فيها فتاة عن شموخها،،،


نقلتها لكم وأتمنى تعجبكم،،،،،،،

لاتعليق!!!!!!!!!!!!!!!!!!!

يمكن بقالي باخر الحرب جوله********احفظ كلامي كانك اليوم ناسي


شوف الأنوثه لاكساها رجوله ********مليون مثلك مايجيبون راسي



والنعم فيك يابنت الرياض قصيده تستحق التميز