ماجيتك اخذ منك صوره و مراسيل
جيت اعتقك من قيد حبي تفضل
تكفى بدون اسباب وادنى تفاصيل
كمل معاها الدرب واسمح لي ارحل
عندي خناجر غدر وهواية الويل
لكن طبع البدو فيني متأصل
اقدر أجرك صوب درك البهاذيل
والنار قبل العار يا قتل او اقتل
وريتني بالظهر من ضيمك سهيل
و لا شفت فيك الجهل يكبر و يعقل
لو صاحب الأفيال جته الأبابيل
انت و معاذ الله من شركك أهول
كذب العطر ما عاد يغري المناديل
والملح قل او زاد ماشوفك انبل
لولا دم الأخلاق واخشى الاقاويل
و المشهد المليون وانت اتوسل
كنت اختصرها بشطر واحد و لا اطيل
كم حضرتك زليت باسمي ابسال؟
ما يستقيم الظلم واعواده تميل
صارحها من هاليوم لايوم تفشل
قل قبلها حبيت بنت الرجاجيل
قل حبت بلا وعي وانت بتعقل
رح قلها اللي كان وهم وتماثيل
طيش الفراغ و زاح غيمه وتبدل
او قلها العادات من بهذل الجيل
زفوا لي بنت العم في المهد الاول
وان شككت معروف هات الأكاليل
اهدي اسى النسوان ورده ويذبل
يا شمعة التذكار ذوبي مع الليل
أعمى صباح الجرح والجرح مسدل
كفنت لك جثمان شمس المواصيل
خذ كذبتك يا ابريل عمري توكل
هذه مجموعه من مشاركاتي امل ان تحوز على رضاكم ولكم جزيل الشكر والامتنان
اخوكم / أبوس راسك يامازمن (رحـ رحال ـال)
دم الاخلاق 
العرض العادي
