أحلى سلام للآحلى اعضاء بدنيا..

كفكو اخباركو .. جبتلكم موضوع حابه نتناقش فيه شوي..

مو عارفه شلون ابدا الموضوع بس .. المهم ..

آبي رايكم ..

بنات وشباب المنتدى .. تخيل في يوم من الايام فكرت تخطب .. او انخطبتي اوك..

انتو حابين تتعرفو على بعض اوكيشن .. بس قبل الملكه يعني قبل مايصير اي شيء رسمي..

طبعا مافيه طريقه الا الجوال .. صــوح .. او خلونا نقول على الايميل .. المهم انكم تبون تتعرفون على بعض..

بعد الكلام الكثير الي فوق ..

س:هل انت من مؤيدي هذا الشيء ولالا طبعا رح يكون بعلم اهلك واهلها يكنون عارفين انكم تكلمون بعض قبل الملكه؟؟


اتمنى انكم تعطوني رآيكم في الموضوع .. آفسه=آسفه .. ياحلوين على الاطاله0


تقبلو خـــــــــالــــــص تحياتي .. وتكفون ردو لا تسفهوني..

..أجراس الحنين..

بعد السلام والتحية وصباح الخير .. اولاً/ في الشرع ـــــ حـــــــرام ــــــــ
ثانياً / انا اول مره اعرف ان فيه تعارف قبل الملكه اي عن طريق الجوال او الايميل انا اعرف ان هناك نظره شرعية اما ان يعجب وتعجب في بعضهما او يادار مادخلك شر والافضل ان كان هناك ارتياح من الطرفيين فنقول ان شاء الله خير .
اما اذا كان عن طريق الجوال او الايميل اتوقع ان هذا الطريقه تفتح باب للطرفيين للميول عن جادت الصواب الذي كانا عليه وان كان على علم الاهل لانه ممكن ان يتذوقوا طعم الكلام المعسول وماكان ممنوع مرغوب هذه وجه نظري .
انا ارى انه بعد الملكه رايح يظهر الطرفيين على حقيقتهم وان كان هناك تصنع في بعض المواقف ولكن بعد عدة اشهر من الملكه سوف يتضح كل شي بعد اجراء بعض الاختبارات من الطرفيين والمتعارف عليه ان الزواج قسمه ونصب ولن يظهر اي عاده الا بعد العٌشره والمواقف رايح تبين حقيقه او معدن الشخص سوى رجل او امرأه ... واسف على الاطاله ولكم جزيل الشكر الامتنان .
اخوكم ـ رحـ رحال ـال ...

C:\Documents and Settings\Admin\My Documents\Bluetooth

27a1cac557أجراس الحنين أنا ضد أنه يكون فيه كلام بينهم عن طريق الجوال والايميل

تدرين ليش لأن هذا مخالف لشرع،،،،،،،

وبعدين من باب ايش يسولفون بالساعات على انهم يمكن يكونون زوجين في المستقبل:mf_frankie:

لا ياعزيزتي لا ديننا ولا اخلاقنا تسمح بهالشي اللي فعلاً شاري البنت ويبيها

يطق الباب ويشوفك النضره الشرعيه ويملك عليك وبعدين خذوا راحتكم في الجوال وفي الايميل

خلاص زوجك على سنة الله ورسوله ........

هذا رأيي بكل صراحه مير الله يسلمك

ومشكوره لأنك طرحتي هالموضوع للنقاش

جزاك الله خير27a1cac557

مشكور أخوي رحـــال وأختي بنت الرياض على الرد جزيتم خيرا

اتفق مع الردود السابقة وان كان يقول البعض ان المكالمات والمرسالات هي نوع من التعارف ولكن اعتقد انه سيكون لها عواقب غير محمودة لانها قد تكون وسيلة ابتزاز .

شكرا اجراس الحنين على طرح الموضوع

اختي الفاضله اجراس الحنين كثير سمعنا وقرأنا عن المحادثات قبل الزواج

ولكنها تسببت فيما لا يحمد عقباه واتفق مع اخي المخلص فيما ذكر من ابتزاز وغيره

مع تمنياتي لك بالتوفيق حفظك الله

اجراس جدا الموضوع حلو وجدير انه نناقشه بس اذا تسمحيلي اطول شويه ممكن
اولا الفكره كفكره مره حلوه بس بشرط انه البنت او الولد في سن مناسب هذا اولا ثانيا تكون ثقافتهم قدر الامكان عاليه عشان يعرفو كيف كل واحد فيهم يعرف الثاني في حدود الادب هذا رائي
بعدين الناس اللي رافضه الفكره ودي اعرف ليه الرفض اذا الولد معروفه اخلاقيته والبنت كمان معروفه اخلاقياتها
مو احسن انه بكره البنت او الولد يتفاجئ ان الشخص اللي ارتبط فيه مره مره مو مناسب له لا بالافكار ولا بالمشاعر ولا بالنظره وبالاخير الطلاق ممكن يكون
ليه احنا دائما مصورين البنت انها بنزين والولد انه نار مجرد قربهم من بعض ممكن يسوي مصيبه جد انا ضد الفكر هذا لازم نعرف ان البنت موظفه دكتوره تقدر تتعامل مع كل المواقف ليه مصورينها على انها كائين ضعيف ممكن يستغل اهلنا من اول كانو يسرحون بالغنم مع بعض اولاد وبنات والامور كانت لحد كبير في حدود الادب والاحترام صدقوني الانسان او الانسانه عديم الثقه هوه اللي يخاف انا من المؤيدين انه يتعرفو على بعض قدر الامكان في حدود الادب طبعا وشكرا

مشكور اخوي شمالي على ردك

اتمنى يعطوني الاعضاء الباقي رأيهم كمان

سبحان الله وبحمده..سبحان الله العظيم

مساء الخير..
سبق قلت رائي وماراح اضيف جديد..
بس الغريب انه ترجعي تثيري الموضوع ثاني..؟؟
وبيني وبينك الموضوع يستاهل انه يثار عشان نعرف رائي اكثر شريحه ممكنه..
تحياتي لك...

بعد السلام والتحيه
الموضوع قديم وابدينا رئينا فيه ولكن مرتاح احبك توه ينتبه للموضوع شوفوا .
انتوا تتكلمون بمستوى عقلياتكم وثقافتكم وحيائكم وقد تجاوزتوا مره من العمر فيها يكون الشاب او الفتاه في قمه هيجانه العاطفي والجنسي والفكري وبدون تعمق في الموضوع بعض العوال تكون غير محافظه وتتقيد بسلوك اخرين او بمعنى تحب تكون مثلهم في هذا الموضوع وعلى سبيل المثال :
بعض اهل الرياض والمناطق الاخرى منفتحين شوي ولكن عند الزواج يحاولون ان يقلدون 07 اي اهل الجنوب من جميع النواحي لان عادتنا هي الارجح تكون صح واقول هذا الكلام من واقع تجربه لاتخلونا نطبق وضعهم ويكون وضعنا اسوى منهم لان الرجال عندنا هادين شوي مو مثل رجالهم .
بعدين وين الشايب الي بيوافق على هذه الحركه ههه .
انا اقول الملكه هي تكون محل هذا الموضوع ولو تكون ايام الملكه اطول احلى بعد علشان الكل يظهر على حقيقته بمعنى سنتين كافيه لمعرفه الاثنين ببعض هذا والله اعلم
مع تحيات اخوكم / رحـ رحال ـال

C:\Documents and Settings\Admin\My Documents\Bluetooth

مساء الخير..
رحال قلبي شكلك ماركزت بتعليقي الاخير انا قلت الموضوع قديم وعارف الشغله هذي بس حبيت اعلق..والا عارف انه قديم وسبق اني قلت رائي فيه فديتك؟؟
انا افضل وألأمر راجعلك لاتعطي امثله من واقعنا عشان ماينأخذ عليك ولك تحياتي..

لا لا ضد ذلك

شكراً لك

حبيبتي اجراس والله ان الفكره بحد ذاتها تخوف
الله يستر على بناتنا كيف ترضى الوحده انها تتكلم مع واحد ماهو محرم
اين الدين اين الحياء والله لو على الحديث المحترم ماعليه
بس اكيد ماراح يخلو الموضوع من بعض العبارات والكلمات الخارجه
عن المألوف والله شفت كثير قصص صارت بسبب هالشي وكانت بعلم الاهل
وفي الاخير تحولت الى المكالمات والمحادثات الى وسائل ابتزاز
فيه واحده كانت منزميلاتي ايام الدراسه والله انها كانت مملكه ماهي مخطوبه
وكانت تروح مع زوجها الى السوق والمطاعم واحيانا يجيبها المدرسه
تخيلي اش صار لها والله انه طلقها تدرين ليه ؟؟؟؟؟؟؟؟
يقول ماايبي واحده رخيصه وسهله مع انها ماسوة شي غلط
لهذا انا ارفض هذه الفكره وبشده وعندك فترة الملكه احلى ايام
اعرفيه على كيفك

اما كلام اخي مرتا احبك
انو اهالينا كانو زمان مع بعض كان جهل بالدين اولا
ثانيا لم يكن في تلك الايام لامسلسلات تركيه ولا صداقات على الايميل
ولا مكالمات في الجوال ولاشات ولا كلام فاضي من الي في هالايام
كانت القلوب صافيه على الفطره والنفوس نظيفه
اسفه على الاطاله
مشكوره اخيتي اجراس على طرح الموضوع وفقك الله ورعاك

صباح الخير...
فاقدها ابوها ..اشكرك انك اديتيني من وقتك وعلقتي على رائي
بس حقيقه اذا سمحتيلي انه استغرب كثير من كلامك وربي استغرب حد الدهشه..
كيف شخص سوي ويملك كل صفات الرجوله والرزانه والحكمه ويطلق زوجته اللي هيه اساسا متملك عليها لمجرد انها طلعت معاه...ليه..ليه..؟
هوه فاكر ان الزواج ماراح يكون زواج الا بطقطقه وقصور افراح بالدين اصلا ممكن ياخذها لبيته مو بس يوديها المدرسه..هذا شي..اسمحيلي ابارك لزملتك هذي انه اكتشفت ايش هوه الشخص هذا قبل ترتبط فيه بشكل رسمي على قولتك لانه حقيقه انسان فاقد الثقه بنفسه اولا قبل ماهوه فاقدها بالناس ولو هوه حابها اصلا كان رفض من البدايه اذا هوه مو مقتنع مااحد جبره..؟؟ لاكن اعتقد انه انسان مهزوز من جواته..


الشي الثاني..حقيقه استغرب من كلامك انه زمان ماكان فيه مسلسلات ولا كان فيه ايميل ونت ولاكان فيه مسلسلات تركيه..اللي يسمع كلامك يقول ايام الصحابه رضي الله عنهم ماكان فيه فساد رغم عدم وجود مسلسلات..منطق غريب عجيب اللي اسمعه حقيقه منك.. رغم احترامي لوجهه نظرك..وتقديري لها وتبقى وجهات نظر..بس وربي حقيقه فاجئتني نظرتك للموضوع واللي فاجئني زياده انها جت منك وانتي بنت.. وانا اتوقع انه اي بنت متربيه صح سواء بنتي اختي امي قريبتي ..اعتقد قادره انها تتصرف صح..حرام انه نصور الانثى انها شي غبي مايعرف يتصرف او ممكن يؤثر فيه لدرجه انها ترتكب الخطاء.. تحياتي لك واتمنى اختلاف وجهات النظر ..لاتفسد للود قضيه ..وارجع اكرر احترم وجهه نظرك ويمكن اكون انا الغلطان لاكن بالاخر تبقى وجهات نظر..

مرتاح صباح الخيرات تعجبني ارائك ووضوحك
واشعر بنقاء قلبك وصفاء نيتك وياليت العالم فيه منك كثير
ولكن صدقني هدا الواقع لو انت انسان نظيف غيرك ذئاب في
ثياب بشر وشوف القصص في النت والجرايد والله تشيب شعر الراس
وانا تقبل رايك مهما كان لاني اعرف صدق نواياك ونظافت مقاصدك
وفقك الله ورعاك لك ودي واحترامي

صباح الخير لك انتي وربي ياوجه الخير..
اشكرك كثير كثير وهذي شهادة فخر احطها وربي وسام على صدري..
وحقيقه لك من اسمك كثير ..لانه جد جد انا فاقد مشاركاتك من زمان والحمدلله انه رجعتي ثاني..وانا استفيد كثير من طرحك الرائع تحياتي لك والله يحفظك يارب..

مشكورين أخواني على المرور .. مرتاح أحبك .. رحال .. ابو دنيا.. فاقده بوها يعطيكم العافيه ..
وحكايت ليش فتحت الموضوع من جديد ومدري شنو انا كنت حابه بس اخذ اكثر من رأي لا أقل ولا أكثر بس دامو مو عجبكم خلاص نقفل على الموضوع..


سبحان الله وبحمده سبحان الله العظيم

مساء الخير..
لا بالعكس وربي اجراس انتي بالنسبه ليه ..لحظه الغروب اللي انتظرها كل يوم..مشاركاتك جد جد حريص كثير واتلهف كثير لها..وانتظرها بلهفه زي انتظاري ولهفتي للحظه الغروب..
بس اللي كنت اقصده من تسألي..؟؟
انه خائف ان الموضوع محيرك كثير ..عشان كذا استغربت ..اثارته ..عشان كذا..حاولت استفزك من جواتك وتتكلمي..والا انتي بالعكس مين اللي مايتلهف لمشاركتك..تحياتي لك..
واسف جدا جدا ..لو كان تعبيري ضايقك..اشكرك كثير..