مصافحتي الاولى لكم وبقلمي ارجو ان اوفق في الرقي لذوقكم
وش جابني في ذا المكـان الخـلاوي
الـلـي يخـلـيّ خـافـي الـسّــد يـنـبـاح
يالله عنيـتـك مــن كـثـيـر الـبــلاوي
لا خاطري سالي ولا القلب مرتـاح
جيت المكان اللي بـه الذيـب عـاوي
وحدي ولا حولي مـن النـاس نـزاّح
كنت اسمعه يعـوي ولا هـو بطـاوي
لاكـن جـارت بــه سنـيـن التـشـواح
سنـيـن ن اختـلّـتّ معـاهـا الهـقـاوي
واحلى الليالي شلهّا اعصار وريـاح
عـزاه يــا ذيــب ن بريـمـان يــاوي
تستوحـش ايامـه مـن البـرق لا لاح
لـوى علـى قلبـه مـن الـحـزن لاوي
وتفطـرّت فيـه المصايـب بـالاتـراح
ناديـت لـه واقـبـل يـجّـر الخـطـاوي
صوبـي ولا عنـدي للافـراح مفتـاح
خوفـه قطـع قلبـه ولا هــو يـسـاوي
هـزة رموشـه يـوم يغـدر بـالارواح
قلت ايه ياسرحان ويـن انـت نـاوي
وانته وانـا فـي راس ريمـان سـواّح
تـراك فـي وجهـي وانـا لـك مـداوي
وانا علـى شأنـك طبيـب ن وجـراح
تـرى الزمـان اقفـى بكـل الـحـلاوي
والعمر يجري وادعج العين قد راح
شف بيت محبوبي من الناس خاوي
عشرين عام وريـح الاحبـاب فـواّح
والله مــا انـسـاهـم ولانـــي بـقــاوي
فراقهـم مـادام فــي الارض صــداّح
وسلامة الجميع
الشاعر ريمان
وش جابني في ذا المكان الخلاوي 
العرض العادي
